...ABŞ prezidenti Cozef Bayden 12 yaşlı qıza 30 yaşına qədər gənclərlə ciddi münasibət qurmamağı tövsiyə edib.
SİA-nın rus saytlarından əldə etdiyi məlumata görə, Amerika liderinin növbəti şübhəli bəyanatının(?) videosunu “CTV News” portalı dərc edib.
Qeyd edək ki, Baydenin məsləhəti Rusiya ilə Qərb ölkələri arasında əsir mübadiləsi çərçivəsində ABŞ-a gələn jurnalist Alsu Kurmaşevanın qızına ünvanlanıb.
Söhbət zamanı ABŞ prezidenti qızı özünə tərəf çəkib və orada olanları onu qarşıdan gələn ad günü münasibətilə təbrik etməyə çağırıb.
...Və unutma ki, 30 yaşdan kiçik oğlanlarla ciddi münasibətlər yoxdur.
Onu da qeyd edək ki, Bayden bunu çox ciddi şəkildə qıza tövsiyə edib.
Yeri gəlmişkən, avqustun 1-də Ankara hava limanında Rusiya, Belarus, Almaniya, ABŞ, Sloveniya və bir sıra ölkələr arasında əsir mübadiləsi baş tutub.
NATO-nun bir sıra ölkələrində saxlanılan və həbsdə olan Rusiya Federasiyasının 8 vətəndaşı artıq vətənlərinə qayıdıb. Onların arasında zabit Vadim Krasikov, Vadim Konoşçenok, Artem Dultsev, Anna Dultseva, Mixail Mikuşin, Pavel Rubtsov, Roman Seleznev və Vladislav Klyuşin də olublar. Vətənə qayıdan rusları Rusiya Federasiyasının rəhbəri Vladimir Putin şəxsən qarşılayıb və onlara vətənə sədaqətlərinə görə təşəkkür edib.
Əli Babayev
Bütün xəbərlər Facebook səhifəmizdə
USD
EUR
GBP
RUB
