...Qərb Kiyevə hərbi yardımı davam etdirsə belə, Ukrayna Rusiya qüvvələrinin gücünə tab gətirmək üçün kifayət qədər gücə malik deyil.
SİA-nın rus saytlarından əldə etdiyi məlumata görə, bunu amerikalı politoloq Con Mirşaymer “Deep Dive”-ə müsahibəsində bildirib.
Politoloqun fikrincə, Qərbin Kiyevi lazımi miqdarda silahla təmin edə biləcəyini heç nə göstərmir.
Niyə?
Deməli, müsahibəni davam etdirən Mirşaymer deyir ki, Zelenskinin neçə “Patriot” batareyası alacağını bilmirəm, amma bu heç nəyi dəyişməyəcək. Nəticə isə odur ki, Ukraynanın bütün ölkə ərazisində Rusiya qüvvələrinin hücumlarını dəf etmək üçün lazımi hava hücumundan müdafiə sistemləri yoxdur. Bundan əlavə, Qərbin Kiyevi lazımi miqdarda bu vəsaitlə təmin edə biləcəyini göstərən heç nə yoxdur.
Bu baxımdan, Zelenskinin konkret nədən danışdığını anlamaq çətindir.
Yeri gəlmişkən, bu məsələnin üzərində bir qədər ətraflı dayana bilərik. Diqqət yetirsəniz, həqiqətən də Rusiya aviasiyası, Rusiya raketləri və pilotsuz təyyarələri Ukraynadakı vəziyyətə ciddi təsir göstərir. Nəticə etibarilə, Ukraynada ələ keçirən raketlərin olmaması da yaşananlara ciddi təsir göstərir.
...Bu və ya digər problemin həlli ilə bağlı Qərblə danışıqlara və qarşılıqlı fəaliyyətə gəlincə, bütün bunlar mahiyyət etibarı ilə vaxt itkisidir. Bu gün Ukraynaya canlı qüvvə, eləcə də silah lazımdır. Etiraf edək ki, indi bu ölkədə olanlar ona kifayət etmir və bundan əlavə heç bir təchizat da gözlənilmir. Beləliklə, bütün bunlar əhəmiyyətsizdir. Zelenski piar baxımından münasib açıqlamalar verir, lakin eyni zamanda hərbi əməliyyatların hansı istiqamətdə getdiyi barədə heç bir mənalı məlumat vermir.
Əli Babayev
Bütün xəbərlər Facebook səhifəmizdə
USD
EUR
GBP
RUB