...Ukraynadakı münaqişə və yaxınlaşan ABŞ prezident seçkiləri NATO-nun bu ay Vaşinqtonda keçirilən sammitinin əsas mövzuları idi. Lakin ictimai səhnədən kənarda alyansın hərbi planlaşdırıcıları Avropanın darmadağın edilmiş müdafiəsinin yenidən qurulmasının böyük xərclərini qiymətləndirməyə yönəlmişdi.
SİA-nın əldə etdiyi məlumata görə, “Reuters” Avropadakı 12 hərbi və mülki məmurla məxfi planlar barədə danışıb və onlar 32 ölkənin daxil olduğu alyansın həlli üçün ən təcili olaraq təyin etdiyi altı sahəni qeyd ediblər.
Rəsmilər təhlükəsizlik məsələlərini daha sərbəst müzakirə etmək üçün anonimlik şərti ilə danışıblar. Amma NATO ümumi xərclərin təxmini açıqlamasını bildirmir.
...NATO rəsmilərinin dediklərinə görə, bunlara hava hücumundan müdafiə və uzaqmənzilli raketlərin çatışmazlığı, qoşun səviyyələri, döyüş sursatı, logistika problemləri və döyüş meydanında təhlükəsiz rəqəmsal rabitənin olmaması daxildir.
Reuters xatırladır ki, keçən il NATO liderləri Rusiyanın təcavüzünə qarşı artan qorxular fonunda son otuz ildə öz müdafiə imkanlarının yenidən qurulması planları barədə razılığa gəliblər.
Anonimlik şərti ilə danışan bir hərbi planlaşdırıcıya görə, rəsmilər o vaxtdan bəri son həftələrdə milli hökumətlərə göndərilən planları həyata keçirmək üçün minimum müdafiə tələblərini öyrənirlər.
...Agentlik qeyd edir ki, NATO 2025-ci ilin payızında müdafiə nazirlərinin növbəti iclasını keçirən zaman Avropanın müdafiəsini təmin etmək üçün bu tələbləri ayrı-ayrı hökumətlər üçün məcburi məqsədlərə çevirməyi hədəfləyir.
Əli Babayev
Bütün xəbərlər Facebook səhifəmizdə
USD
EUR
GBP
RUB