...ABŞ prezidentliyinə namizəd Donald Tramp ilə Ukrayna prezidenti Vladimir Zelenski arasında telefon danışığı olub. Onlar amerikalı siyasətçiyə sui-qəsd cəhdini və Ukraynada müharibəyə son qoymaq perspektivlərini müzakirə ediblər. SİA-nın əldə etdiyi məlumata görə, Tramp bunu “Truth Social” sosial şəbəkəsində elan edərək, söhbəti “çox yaxşı” adlandırıb. Onun sözlərinə görə, Zelenski “keçən şənbə günü dəhşətli sui-qəsdi” pisləyib və Amerika xalqının bu günlərdə bir olduğunu qeyd edib.
...O, məni Respublikaçıların Milli Qurultayının çox uğurlu keçməsi və Respublikaçılar Partiyasından ABŞ prezidentliyinə namizəd kimi irəli sürülməyim münasibətilə təbrik etdi.
Bunu Tramp deyib və daha sonra özünü “ABŞ-ın növbəti prezidenti” adlandırıb. O, dünyaya sülh gətirəcəyini və çoxlu insanın həyatına alan müharibəyə son qoyacağını söyləyib.
...Hər iki tərəf bir araya gələrək zorakılığa son qoyan və çiçəklənməyə yol açan razılaşmanı müzakirə edə bilər.
Bunu da Tramp bildirib.
...Və bu arada Zelenski X sosial şəbəkəsindəki səhifəsində Trampla söhbətindən də danışıb. O qeyd edib ki, ABŞ prezidentliyinə namizədlə şəxsi görüş zamanı hansı addımların dünyanı ədalətli və həqiqətən davamlı edə biləcəyini müzakirə etmək barədə razılığa gəlib.
...Ukrayna Rusiya terroruna qarşı müqavimət qabiliyyətimizi gücləndirməkdə göstərdiyi köməyə görə ABŞ-a həmişə minnətdar olacaq. Rusiyanın şəhər və kəndlərimizə hücumları hər gün davam edir.
Bunu Ukrayna dövlətinin başçısı əlavə edib.
Vladimir Zelenski Ukraynanın azadlığını və müstəqilliyini qorumaq üçün ikipartiyalı, ikipalatalı Amerika dəstəyinin həyati əhəmiyyətini qeyd edib.
Bundan əlavə, Ukrayna prezidenti Trampı Respublikaçılar Partiyasından namizədliyi ilə bağlı təbrik edib və Pensilvaniyada ona qarşı sui-qəsdi pisləyib.
...Gələcəkdə sizə güc və mütləq təhlükəsizlik arzulayıram. Bunu da Zelenski yazıb.
Əli Babayev
Bütün xəbərlər Facebook səhifəmizdə
.jpg)
USD
EUR
GBP
RUB