Nigeriyada vəba epidemiyası səbəbindən 7 ayda 103 nəfər ölüb.
SİA bu barədə Türkiyə saytlarına istinad edir.
Nigeriya Xəstəliklərə Nəzarət Mərkəzinin (NCDC) direktoru Jide İdris jurnalistlərə verdiyi bəyanatda vəba epidemiyasının paytaxt Abuja ilə yanaşı 34 ştatın 187 bölgəsinə yayıldığını bildirib.
Jide İdris bu bölgələrdə 7 ayda 3 min 623 vəba epidemiyasına yoluxma faktının qeydə alındığını, epidemiya səbəbindən 103 nəfərin həyatını itirdiyini qeyd edib.
Nigeriya Xəstəliklərə Nəzarət Mərkəzinin (NCDC) direktoru yağışların vəba epidemiyasının yayılmasına ciddi təsir göstərdiyinə diqqət çəkib.
“Yağışlar həm suyun keyfiyyətinə, həm də mövcudluğuna təsir edərək, su ilə ötürülən xəstəliklərin yayılmasına təsir göstərib”,-deyə Jude İdris qeyd edib.
Jude İdris ölkənin təkcə vəba epidemiyası ilə deyil, sarı qızdırma, Lassa qızdırması və meningit kimi digər təhlükəli xəstəliklərlə də mübarizə apardığını söyləyib.
İyunun 26-da Nigeriyada vəba epidemiyası ilə əlaqədar "milli fövqəladə vəziyyət" elan edilmişdi.
Qeyd edək ki, Nigeriyada ötən il 3 mindən çox vəbaya yoluxma faktı qeydə alınıb, 100-dən çox adam həyatını itirib.
Bütün xəbərlər Facebook səhifəmizdə
USD
EUR
GBP
RUB