Avropa İttifaqı (Aİ) Şurası İrana qarşı sanksiyaların müddətini 27 iyul 2025-ci ilə qədər uzadıb. Məhdudlaşdırıcı tədbirlər, AB-də deyildiyi kimi, Rusiyanın Ukrayna ilə münaqişədə dəstəyi, eləcə də Yaxın Şərq və Qırmızı dəniz regionunda qeyri-dövlət silahlı qruplarına silah tədarükü ilə bağlıdır.
İndi sanksiyalar 12 fiziki və 9 hüquqi şəxsə şamil edilir. Onların arasında İslam İnqilabı Keşikçiləri Korpusunun donanması və pilotsuz təyyarələrin istehsalı üzrə ixtisaslaşmış İran şirkətləri var. Məhdudiyyətlərə məruz qalanların aktivləri dondurulur və onlara hər hansı vəsait və ya iqtisadi resursların verilməsi qadağandır. Bundan əlavə, onların Avropa İttifaqına daxil olması qadağandır.
Aİ İrana qarşı sanksiyaların genişləndirilməsini sonuncu dəfə may ayının sonunda elan edib. Daha sonra, xüsusən də ölkənin Müdafiə Nazirliyinin rəhbəri Məhəmməd Rza Aştiani məhdudiyyətlərə məruz qalıb. Elə həmin ay Aİ Şurası məhdudiyyətlər mexanizmini yeniləyərək təkcə İranın dron istehsalçılarının deyil, həmçinin raketlərin də sanksiyalar siyahısına daxil edilməsinə icazə verib.
LƏMAN
Bütün xəbərlər Facebook səhifəmizdə
USD
EUR
GBP
RUB