Misirdə əlləri kəsilən 8 yaşlı uşağın cansız cəsədinin tapılması ölkədə şok effekti yaradıb və hiddət doğurub. SİA xarici mətbuata istinadən xəbər verir ki, hadisəni araşdıran prokurorlar qətlin qanunsuz tarixi əsər qazıntısı ilə bağlı olduğunu iddia ediblər.
Onun atası Əbu Əl Vəfa dörd gündür itkin düşən uşağı Məhəmmədin cəsədini Yuxarı Misirin Asit şəhərindəki əkinçilik sahəsində tapıb. Polis qətllə bağlı uşağın qohumları olan 3 qardaşı saxlayıb.
Prokurorluğun açıqlamasına görə, şübhəlilərdən ikisi cinayəti etiraf edib. Onlar qədim Misir xəzinələrinə çatmaq istəyən və qeyri-qanuni qazıntı aparan bir şəxsə uşağın əllərini satmaq üçün cinayət törədib.
"Polis araşdırmasından sonra oğlumun öz əmisi qohumları, onunla oynayan və hətta itəndə onu mənimlə birlikdə axtaran qohumlarım tərəfindən öldürüldüyünü biləndə şoka düşdüm", - ata Əl Vəfa deyib.
Qətl Misirdə sosial şəbəkələrdə böyük etiraza səbəb olub. Bir çox insanlar çəkindirici vasitə kimi cinayətkarların sərt cəzalandırılmasını tələb ediblər.
Bütün xəbərlər Facebook səhifəmizdə
USD
EUR
GBP
RUB