Danimarkanın paytaxtı Kopenhagendə turizm axınının yaratdığı ətraf mühitin çirklənməsi ilə mübarizə üçün yeni mükafat layihəsi həyata keçiriləcək. SİA xarici mətbuata istinadən xəbər verir ki, Kopenhagen Turizm Ofisi şəhərə gələn turistlərə ekoloji təmiz fəaliyyətlərdə iştirak müqabilində pulsuz yemək və fəaliyyət mükafatları veriləcəyini açıqlayıb.
Zibil toplama, ictimai nəqliyyat və ya velosiped sürmə kimi fəaliyyətlər müqabilində turistlər yemək, qəhvə, şərab və ya kano icarəsi kimi müəyyən fəaliyyətlər üçün hədiyyə çekləri tələb edə bilərlər.
“CopenPay” adlanan proqram iyulun 15-də istifadəyə veriləcək.
Şəhərin turizm ofisinin sözçüsü Rikke Holm Petersen insanların xaricə gedərkən təyyarə və ya avtomobildən istifadə edərək ətraf mühitin çirklənməsini artırdığını vurğulayaraq deyib: “Dəyişdirə biləcəyimiz şeylərdən biri turistləri getdikləri yerlərdə ekoloji cəhətdən daha səliqəli hərəkətlər etməyə təşviq etməkdir".
Turistlərdən “ekoloji cəhətdən təmiz fəaliyyətlərini” sübut etmələri tələb olunmayacaq. Bununla belə, Petersen bildirib ki, bəzi hallarda turistlərdən velosiped sürərkən çəkilmiş fotoşəkilləri və ya ictimai nəqliyyat biletlərini göstərmək tələb oluna bilər.
Bütün xəbərlər Facebook səhifəmizdə
USD
EUR
GBP
RUB