İngiltərədə epilepsiya xəstəsi olan uşağın kəllə sümüyünə qıcolmalara nəzarət etmək üçün yeni cihaz yerləşdirilib. SİA xarici mətbuata istinadən xəbər verir ki, 13 yaşlı Oran Knowlson dünyada bu üsulu sınaqdan keçirən ilk xəstə olub.
Beynin dərinliklərinə elektrik siqnalları göndərən neyrostimulyator Knowlsonun gündüz epileptik tutmalarını 80 faiz azaldıb. Müalicəyə davamlı epilepsiya növü olaraq bilinən Lennox-Gastaut sindromu olan Oran 3 yaşından bəri gündə 20 ilə 100 arasında qıcolma keçirir və huşunu itirirdi.
Əməliyyatdan sonra Oran Knowlsonun qıcolmaları 80 faiz azalıb.
Autizm və diqqət çatışmazlığı hiperaktivlik pozuqluğu, eləcə də epilepsiya xəstəsi olan Oranın 2023-cü ilin oktyabrında əməliyyatı təxminən 8 saat çəkib.
Neyrocərrah Martin Tisdall və komandası Oranın beyninə neyron məlumatı üçün mühüm relay stansiyası olan talamusa qədər iki elektrod yerləşdirib. Onun ucları 3,5 kvadrat santimetr, qalınlığı 0,6 sm olan neyrostimulyatora birləşdirilib. Bu, Oranın kəllə sümüyünə birləşdirilib. Əməliyyatdan 1 ay sonra neyrostimulyator işə salınıb. İndi vəziyyəti yaxşı olan Oran atçılıq dərsləri almağa başlayıb.
Bütün xəbərlər Facebook səhifəmizdə
USD
EUR
GBP
RUB