...Moskvanın konsert salonuna hücumdan bir neçə ay sonra, əhalisinin əsasən müsəlman olan Dağıstanda silahlıların hücumu Rusiyanın dini ekstremistlərin zorakılıq dalğası ilə üzləşə biləcəyi qorxusunu artırır. Ən azı 15 polis əməkdaşı və biri keşiş də daxil olmaqla dörd mülki şəxs həlak olub. Öldürülən altı yaraqlıdan üçü yerli məmurun oğulları və bacısı oğludur, o, sonradan hakim Vahid Rusiya partiyası tərəfindən partiyadan xaric edilib.
...Hücum yaraqlıların martın 22-də Moskvada Crocus City Hall konsert zalına hücum zamanı 140-dan çox insanın ölümü ilə nəticələnən iyirmi ilin ən dəhşətli terror aktını həyata keçirməsindən üç ay sonra baş verib. Rusiya əvvəlcə İslam Dövlətinin üzərinə götürdüyü hücumda Ukraynanı ittiham edib. Sonda kəşfiyyat agentlikləri etiraf etdilər ki, Moskva hücumunun arxasında İslam Dövlətinin əfqan qolu dayanıb və son hücumların koordinasiyalı və miqyaslı olduğunu əlavə etdi.
...Rusiyanın İslam ekstremizminin yayılmasında böyük problemi var. İslam Dövləti və digər qruplar fəaldır deyən Kremlə yaxın siyasi məsləhətçi Sergey Markov qeyd edib ki, yaraqlılar arasında yerli məmurun qohumlarının olması “radikal İslamın cəmiyyətə dərin nüfuz etdiyini və elitaya nüfuz etdiyini göstərir”.
...Kremlin sözçüsü Dmitri Peskov ekstremist zorakılıq dalğası ideyasını rədd edərək, Rusiyanın indi fərqli olduğunu bildirir.
...Hakim Kremlpərəst partiyadan olan dağıstanlı deputat Abdulhakim Gadjiyev NATO ölkələrini və Ukraynanı Dağıstanda hücum hazırlamaqda ittiham edib.
...Rusiya parlamentinin yuxarı palatasının senatoru Dmitri Roqozin deyib ki, hər bir yerli terror aktına görə NATO və Ukraynanı ittiham etmək bizim üçün böyük problemlər yaradacaq.
“Qafqaz düyünü” jurnalının baş redaktoru və region üzrə ekspert Qriqori Şvedovun fikrincə, Rusiyanın radikal İslam zorakılığında Ukrayna və onun müttəfiqlərini ittiham etməkdə israrlı olması bu zorakılığa qarşı effektiv mübarizənin qarşısını alır.
...İndi ən böyük problem onların (Rusiya hakimiyyətinin-A.B.) təhlükəni etiraf etməkdən imtina etməsidir. Bu hücumlarda İslam Dövlətinin bütün izləri və yeraltı fəaliyyət göstərən çoxlu sayda simpatizanlar var.
SİA-nın əldə etdiyi məlumata görə, Şvedov bunu Bloomberg-ə şərhində bildirib.
Əli Babayev
Bütün xəbərlər Facebook səhifəmizdə
USD
EUR
GBP
RUB
