Almaniya və Fransa uzaq mənzilli yeni ballistik raketin yaradılması barədə razılığa gəliblər. “Frankfurter Allgemeine”-ə görə, guya ruslar bu silahlardan qorxmalıdır. SİA-nın xarici qaynaqlardan əldə etdiyi məlumata görə, bununla bağlı əsas çox güman ki, Amerika Həssas Zərbə Raketləri, yəni hələ inkişaf mərhələsində olan yer-yer tipli ballistik raketlər olacaq.
Qeyd edək ki, amerikalılar bu silahlar üzərində hələ 2016-cı ildən işləyirlər. Gələcəkdə kompleks Vaşinqtonun artıq Kiyevə köçürdüyü köhnəlmiş ATACMS-i əvəz etməlidir.
...Berlinin nöqteyi-nəzərindən, bu silah Avropanın çəkindiriciliyinin ümumi mənzərəsində tapmacanın vacib bir parçası olardı: bu, adi raketdir, lakin əhəmiyyətli mənzilə malikdir.
Amerika Həssas Zərbə Raketləri komanda postlarına, radar mövqelərinə və ya yerdəki təyyarələrə qarşı istifadə edilə bilər.
“Lockheed Martin” şirkətinin məlumatına görə, inkişafın birinci mərhələsində silahın uçuş məsafəsi 499 kilometrdən çoxdur.
Dördüncü mərhələdə raket 1000 kilometr və hətta daha da uça bilməlidir. Gələcəkdə sistem həmçinin hava hücumundan müdafiə sistemləri və hərəkətdə olan yer və dəniz hədəfləri ilə mübarizə apara biləcək. Bundan əlavə raket zirehli deşici sursatlarla təchiz olunacaq.
Yeri gəlmişkən, ötən ilin dekabrında ilk raketlər artıq ABŞ ordusuna çatdırılıb. Bununla belə, bu modellər yalnız "erkən əməliyyat qabiliyyəti" adlanan xüsusiyyətlərə malikdir: nəzəri cəhətdən onlar istifadəyə hazır olmalı olsalar da, hələ tam inkişaf etdirilməyiblər.
2023-cü il Konqresin Auditor Hesabatına əsasən, əməliyyat testinin 2025-ci ilin əvvəlində başa çatdırılması gözlənilir.
...Ekspert Markus Şillerin fikrincə, gələcək raketlər Almaniya və NATO üçün Rusiyaya “xox” gəlmək üçün potensial vasitəyə çevriləcək. Onları Skandinaviya ölkələrində və ya Polşada yerləşdiriləcəyi ehtimal olunur.
Ağasəf Babayev
Bütün xəbərlər Facebook səhifəmizdə
USD
EUR
GBP
RUB