İsrailin milli təhlükəsizlik mәsәlәlәri üzrә müşaviri Tzaçi Haneqbi İsrail ordusunun Qəzza zolağına hücumlarının bu ilin sonuna qədər davam edəcəyini gözlədiyini bildirib.
SİA-nın xarici qaynaqlardan əldə etdiyi məlumata görə, bir radio proqramının qonağı olan T.Heneqbi Qәzzaya edilәn hücumları qiymәtlәndirib.
T.Haneqbi Qəzzaya hücumların bu ilin sonuna qədər davam edəcəyini gözlədiyini bildirib.
Fələstin-Misir sərhədi boyunca uzanan Filadelfiya dəhlizinә dә toxunan T. Haneqbi bu bölgənin 75 faizinin hazırda İsrailin nəzarətində olduğunu qeyd edib.
İsrail mühasirә altındakı Qәzza zolağına qarşı hücumlarını 236 gündür davam etdirir. İsrail ordusu hәmçinin Qәzzanın cәnubundakı Rәfah şәhәrini dә hәdәf almağa davam edir.
İsrailin Qəzza zolağına təşkil etdiyi hücumlarda azı 15 328-i uşaq vә 10 171-i dә qadın olmaqla 36 171 fələstinli həlak olub, 81 420 nəfər isә yaralanıb.
Dağıntılar altında hələ də minlərlə ölünün olduğu, insanların sığındığı xəstəxana və təhsil müəssisələrinin hədəf alınaraq mülki infrastrukturun mәhv edildiyi bildirilir.
Bütün xəbərlər Facebook səhifəmizdə
USD
EUR
GBP
RUB