Bu gün Rusiyada telefon fırıldaqçıları pensiyaçıları aldatmaq üçün yeni sxemdən istifadə etməyə başlayıblar.
SİA-nın əldə etdiyi məlumata görə, bu barədə “RİA Novosti”yə müsahibəsində Dövlət Dumasının İnformasiya Siyasəti Komitəsinin üzvü Anton Nemkin danışıb.
Deməli, onun dediyinə görə, fırıldaqçılar özlərini Sosial Fondun işçisi kimi təqdim edir və vətəndaşları “hesabsız iş stajına” malik olduqlarına inandırırlar.
Bundan sonra onlar pensiyaçıları təqaüdlərinin mümkün artımı üçün yenidən hesablanması üçün ərizə doldurmağa inandırırlar.
Nemkin əlavə edib ki, fırıldaqçılar guya “əlavə bürokratiyadan” qaçaraq, pensiyaları birbaşa telefonla artırmağı təklif edirlər.
Təbii ki, pensiyaçı razılaşarsa, fırıldaqçılar “identifikasiya üçün” SMS-dən kodu soruşurlar. Eyni zamanda, onlar özləri də Dövlət Xidmətləri portalında və ya mobil bankda pensiyaçının profilinə daxil olurlar, - deyə Dövlət Dumasının İnformasiya Siyasəti Komitəsinin üzvü xəbərdarlıq edib.
O, yaşlı qohumları ilə təkcə internetdə deyil, telefon vasitəsilə də tətbiq olunan fırıldaqçılardan qorunmağın əsas qaydalarını müzakirə etməyi tövsiyə edib.
Nazlı
Bütün xəbərlər Facebook səhifəmizdə
USD
EUR
GBP
RUB