Birləşmiş Millətlər Təşkilatının (BMT) baş katibinin humanitar məsələlər və fövqəladə hallar üzrə koordinatoru Martin Qriffits Qəzzada vəziyyətin bir daha kritik həddə çatdığını ifadə edərək deyib: "İnsanlara yardım etməyə davam edəcəyik''.
SİA-nın türk saytlarından əldə etdiyi məlumata görə, BMT baş katibinin humanitar məsələlər və fövqəladə hallar üzrə koordinatoru Martin Qriffits rəsmi ''X'' internet səhifəsində etdiyi paylaşımda Qəzzadakı son vəziyyəti qiymətləndirib.
İsrailin son evakuasiya əmri və quru hücumunun daha çox ölüm və yerdəyişmə ilə nəticələnəcəyinə diqqət çəkən Martin Qriffits bir neçə gün ərzində on minlərlə insanın məcburi köçkün vəziyyətinə düşdüyünə diqqət çəkib.
Martin Qriffitas Rəfah sərhəd-keçid məntəqəsinin bağlanmasının yardım və personalın daşınmasını çətinləşdirdiyini bildirib.
Komandasının hələ də Rəfahda olduğunu bildirən M. Qriffits burada 600 mini uşaq olmaqla 1 milyondan çox insanın olduğuna diqqət çəkib.
Martin Qriffits bu gün verilən qərarların gələcək nəsillərin yaddaşında qalacağını qeyd edib.
Bütün xəbərlər Facebook səhifəmizdə
USD
EUR
GBP
RUB