ABŞ prezidenti Cozef Bayden Fələstinə dəstək nümayiş etdirən etirazlara görə İsrailə qarşı siyasətinin qətiyyən dəyişməyəcəyini bildirib.
SİA-nın xarici qaynaqlardan əldə etdiyi məlumata görə, Ağ Ev rəhbəri bu barədə ölkə boyu keçirilən nümayişlərlə bağlı çıxışı zamanı bildirib.
Baydenin sözlərinə görə, zorakılığın tətbiq olunduğu istənilən mitinq qeyri-qanuni olur. O, Fələstinin HƏMAS silahlı qruplaşmasının tərəfdarlarını da tənqid edib və ABŞ-da belə antisemitizmə yer olmadığını vurğulayıb.
Prezident nifrətin qızışdırılmasının qarşısını almağa çağırıb.
Xatırladaq ki, Amerika universitetlərində tələbələr Vaşinqtonun İsraillə bağlı siyasətinə etiraz edirlər.
“The Guardian” qəzetinin məlumatına görə, ölkə üzrə kampuslarda 30-a yaxın düşərgə var. Bəzi universitetlərdə etiraz aksiyaları iştirakçıların xəsarət alması ilə nəticələnib. Məsələn, çərşənbə günü, mayın 1-də Los-Ancelesdəki Kaliforniya Universitetində (UCLA) Fələstin tərəfdarı nümayişlərdə baş verən qarşıdurmalarda 15 nəfər yaralanıb, 1 nəfər xəstəxanaya yerləşdirilib.
Və buna cavab olaraq İsrail tərəfdarları da öz etirazlarını təşkil edirlər.
…Təbii ki, etirazlar Cozef Baydenin reytinqinə təsir edir. Tufts Universitetinin Tədqiqat Mərkəzinin məlumatına görə, 18-29 yaş arası gənc amerikalılar Miçiqan, Nevada, Pensilvaniya, Arizona, Viskonsin və Corciya da daxil olmaqla yelləncək ştatlarında səsvermədə əhəmiyyətli təsir göstərəcək. Eyni zamanda, bu seçici qrupunun Demokratlar Partiyasından olan liberal siyasətçilərə üstünlük verdiyi güman edilir.
Ağasəf Babayev
Bütün xəbərlər Facebook səhifəmizdə
USD
EUR
GBP
RUB