HƏMAS Qəzza zolağında atəşkəslə bağlı İsraillə dialoqda güzəştə getməyəcək və İsrail ordusunun Fələstin anklavından tamamilə çıxarılması tələbindən əl də çəkməyəcək,
SİA-nın rus saytlarından əldə etdiyi məlumata görə, bu barədə Fələstin hərəkatının rəsmi nümayəndəsi İzzat ər-Rişq Telegram-da bildirib.
...Onun sözlərinə görə, Fələstin xalqının müdafiəsi üçün yeganə təminat tam atəşkəsdir. İzzət ər-Rişq əlavə edib ki, HƏMAS İsrail qüvvələrinin Qəzzadan tam çıxarılması və köçkünlərin anklavın şimal ərazilərinə sərbəst qayıtması zərurəti məsələsində hər hansı güzəştə getməkdən imtina edir.
Bundan əvvəl HƏMAS-ın yüksək rütbəli rəsmisi İsraillə razılaşmaya əsasən mübadilə üçün kriteriyalara cavab verəcək 40 canlı girovun olmadığını bildirmişdi.
Yeri gəlmişkən, aprelin 10-da Fələstin radikal hərəkatının Siyasi Bürosunun üzvü İsmayıl Haniyə İsrail Müdafiə Qüvvələrinin Qəzzaya endirdiyi zərbə nəticəsində üç oğlu və nəvəsinin həlak olduğunu təsdiqləyib.
O qeyd edib ki, ümumilikdə İsrail hərbçilərinin hərəkətləri nəticəsində 60-dan çox qohumunu itirib.
Ağasəf Babayev
Bütün xəbərlər Facebook səhifəmizdə
USD
EUR
GBP
RUB