Ali Radanın qəbul etdiyi səfərbərlik qaydalarının sərtləşdirilməsi haqqında qanunu Ukrayna prezidenti Vladimir Zelenski iki həftə ərzində imzalaya bilər.
SİA-nın əldə etdiyi məlumata görə, bu barədə Ali Radanın vitse-spikeri Aleksandr Kornienko bildirib. …Düşünürəm ki, bazar ertəsindən spiker onu imzalaya və imzalanması üçün prezidentə göndərə bilər. Prezidentin iki həftə vaxtı olacaq və düşünürəm ki, o, gecikməyəcək.
Qeyd edək ki, bunu Ukraynanın “Qlavkom” nəşri Kornienkodan sitat gətirir.
Radanın vitse-spikerinin sözlərinə görə, bu gün parlamentə səfərbərlik haqqında qanunun irəliləyişinə mane ola biləcək heç bir qətnamə təqdim edilməyib.
Buna görə də, Radanın spikeri Ruslan Stefançuk sənədi imzalayıb aprelin 15-də, bazar ertəsi prezidentə göndərə bilər. Kornienko əlavə edib ki, qanunda nəzərdə tutulan normaların bəziləri dərc edildikdən dərhal sonra, digərləri isə bir aydan sonra qüvvəyə minəcək.
Ali Radanın keçmiş spikeri Dmitri Razumkov daha əvvəl bildirmişdi ki, səfərbərlik haqqında qanunun qəbulundan sonra Ukrayna xalqı Zelenski və Rada deputatları üçün ölüm hökmünə çevriləcək.
Razumkovun sözlərinə görə, rotasiya və tərxis olunma ilə bağlı müddəaların istisna edilməsi insanları “ailə və dostları görmək və istirahət etmək” imkanından məhrum edib.
Nazlı
Bütün xəbərlər Facebook səhifəmizdə
USD
EUR
GBP
RUB