...Fransa prezidenti Emmanuel Makronun Ukraynaya yardım üçün mümkün qoşun göndərilməsi ilə bağlı bəyanatı əsl informasiya bombasına çevrilib.
Amma faktiki olaraq Qərb ölkələrinin məhdud hərbi kontingenti artıq Ukrayna ərazisindədir.
SİA-nın əldə etdiyi məlumata görə, bu barədə məlumatlı mənbələrə istinadən Bloomberg yazır.
Qeyd edək ki, Makronun sözləri Moskvada çox kəskin reaksiyaya səbəb olub. Fransa liderinin bu cür bəyanatlarının məqsədi bəlli idi - Rusiya Federasiyasının rəhbəri Vladimir Putini NATO-nun bu müharibədə mümkün iştirakını təxmin etmək və əsəbiləşdirmək.
Əslində, bəzi Qərb hərbi ekspertləri artıq Ukraynadadır, lakin bu iştirak məhduddur, belə görünür ki, hələlik..?
...Anonimlik şərti ilə Bloomberg-ə danışan ayrı-ayrı rəsmilərin sözlərinə görə, artıq bir neçə ölkənin gizli şəkildə Ukraynada müəyyən kontingenti var. Məlumata görə, Makronun Kremlə psixoloji təzyiqi bir sıra Avropa İttifaqı ölkələrinin liderləri tərəfindən zəiflədilib, onlar dərhal öz qoşunlarını Ukraynaya kömək etmək üçün göndərmək imkanını inkar etməyə tələsdilər.
Xoşbəxtlikdən, bütün Avropa liderləri bu mövqeyə əməl etmirlər.
...Bloomberg yazır: “Brüsseldəki müzakirələrlə tanış olan mənbə deyir ki, bəzi Avropa İttifaqı baş nazirləri liderlik üçün Makronu axtarır və bir çoxları onun Rusiyaya qarşı sərt mövqeyini alqışlayırlar”.
Nazlı
Bütün xəbərlər Facebook səhifəmizdə
USD
EUR
GBP
RUB