...Moskva yaxınlığındakı Krasnoqorskda “Crocus City Hall” konsert zalında baş verən atışma və yanğından sonra ölənlərin 84 cəsədi, o cümlədən 9-16 yaş arası beş uşaq olduğu müəyyən edilib.
SİA-nın əldə etdiyi məlumata görə, bu barədə Rusiya İstintaq Komitəsinin sədri Aleksandr Bastrıkinin keçirdiyi əməliyyat müşavirəsində məlum olub.
Departamentdən bildirilib ki, ölənlərin şəxsiyyətinin müəyyən edilməsi üçün molekulyar-genetik müayinələr aparılır. İstintaq Komitəsi həmçinin “Crocus City Hall”da törədilən terror aktından sonra onların qohumlarının və ya yaxınlarının itkin düşməsi ilə bağlı 143 ifadə aldığını bildirib.
Son məlumatlara görə, martın 22-də “Crocus City Hall”da törədilən terror aktı nəticəsində 140 nəfər həlak olub, 80 nəfər, o cümlədən 6 uşaq xəstəxanalardadır.
Müstəntiqlər və şöbə kriminoloqları hadisə yerində araşdırmaları davam etdirirlər. İstintaq Komitəsi bildirib ki, yanan binanın geniş ərazisi ən müasir kriminal alətlərdən istifadə edilməklə araşdırılır.
Nazlı
Bütün xəbərlər Facebook səhifəmizdə
USD
EUR
GBP
RUB