Türkiyə Ticarət Nazirliyi Gömrük Mühafizə qrupları tərəfindən aparılan işlər nəticəsində təxminən 922 milyon lirə dəyərində narkotik, gömrük qaçaqmalçılığı ilə qızıl, siqaret, ehtiyat hissələri və malların ələ keçirildiyini açıqlayıb. SİA Türkiyə mətbuatına istinadən xəbər verir, Ticarət Nazirliyindən edilən məlumata görə; İstanbul Hava Limanı Gömrük Mühafizə qrupları tərəfindən mart ayının ilk həftəsində aparılan iş zamanı sərnişin və yük əşyalarının arasında gizlədilmiş təxminən 34 milyon lirə dəyərində 49 kiloqram narkotik vasitə ələ keçirilib.
Bundan əlavə, Gömrük Mühafizə qrupları tərəfindən Kapıköy, Dereköy, Kapıkule Gömrük Qapıları və İstanbul Hava Limanında narkotik risk analizi və avtomobil və sərnişin yoxlamaları çərçivəsində bazar dəyəri təxminən 80 milyon lirə olan 60 kiloqram narkotik vasitə ələ keçirilib.
Kocaeli üzərindən Türkiyəyə gətirilən iki konteyner Gömrük Mühafizə qrupları tərəfindən X-Ray tarama sisteminə göndərilib. Şübhəli konsentrasiyalar aşkar edildikdən sonra fiziki axtarış aparılıb. Neylon torbalarda təhlükəsizlik yastıqları, ekranlar, fənərlər, alət panelləri və beyinlər də daxil olmaqla müxtəlif markalı avtomobil ehtiyat hissələrinin cəmi 4203 ədədi ələ keçirilib.
Bütün xəbərlər Facebook səhifəmizdə
USD
EUR
GBP
RUB