Birləşmiş Millətlər Təşkilatının (BMT) Fələstin üzrə xüsusi məruzəçisi Françeska Albanese İsrailin Qəzzada uşaqları öldürərək bir xalqı məhv etdiyini bildirib.
SİA-nın türk saytlarından əldə etdiyi məlumata görə, Françeska Albanese rəsmi ''X'' internet səhifəsində İsrailin Qəzzada uşaqları hədəf alması ilə bağlı paylaşım edib.
BMT rəsmisi Françeska Albanese bildirib ki, Birləşmiş Millətlər Təşkilatının Yaxın Şərqdəki Fələstinli Qaçqınlar üzrə Yardım və İş Agentliyinin (UNRWA) baş komissarı Filip Lazzarininin İsrailin Qəzza zolağına təşkil etdiyi hücumlarda ölən uşaqların sayının son 4 ildə dünyada gedən müharibələrdə ölən uşaqların ümumi sayından çox olduğu ilə bağlı yaydığı bəyanatını qiymətləndirib.
Albanese İsrailin son 5 ayda törətdiyi uşaq qətliamının ABŞ-ın (ABŞ) Filadelfiya şəhəri böyüklüyündə bir ərazidə reallaşdığına diqqət çəkdi.
BMT-nin məruzəçisi deyib: “İsrail bir xalqı kökündən məhv edir''.
Qeyd edək ki, Filip Lazzarini dünən verdiyi açıqlamada Qəzzada öldürülən uşaqların sayının son 4 ildə dünyada gedən müharibələrdə ölən uşaqların ümumi sayından çox olduğunu bildirib.
UNRWA-nın Baş komissarı deyib: "Bu uşaqlara qarşı müharibədir. Uşaqların gələcəyinə qarşı müharibədir''.
Bütün xəbərlər Facebook səhifəmizdə
USD
EUR
GBP
RUB