Rusiya Dövlət Duması hərbi xidmət üçün müqavilə bağlayanların cinayət məsuliyyətindən azad ediləcəyi qanun layihəsini birinci oxunuşda qəbul edib. Həqiqi termin şərti ilə əvəz olunacaq. Təşəbbüs daha əvvəl Vahid Rusiyadan olan deputatlar Pavel Kraşeninnikov və Andrey Kartapolov, həmçinin Federasiya Şurasının üzvü Andrey Klişas tərəfindən irəli sürülüb. SİA bu barədə rus saytlarına istinad edir.
Qanun layihəsində yüngül və orta ağır cinayətlərə görə istintaqda olan, təqsirləndirilən şəxslər, barələrində cəza tətbiq olunmağa başlanmış şəxslər üçün Müdafiə Nazirliyi ilə müqavilə bağlamaq imkanı nəzərdə tutulur.
Qeyd edək ki, sənəd terrorçuluq, yetkinlik yaşına çatmayanların cinsi toxunulmazlığı əleyhinə cinayətlər, habelə konstitusiya quruluşunun əsaslarına və dövlət təhlükəsizliyinə qarşı cinayətləri əhatə etmir.
Qanun layihəsi qəbul olunarsa, dövlət təltifinin alınması, səhhətinə və ya yaşına görə xidmətdən kənarlaşdırılması, səfərbərlik və ya hərbi vəziyyət müddətinin başa çatması ilə əlaqədar işdən azad edilmə halları şərti olaraq azad edilmə və ya məhkumluğun götürülməsi halları olacaqdır.
Sənəddə qeyd olunur ki, hərbi xidmətə başladıqdan sonra cəzadan azad edilmiş şəxs yenidən cinayət törətdikdə, məhkəmə əvvəllər çıxarılmış hökmləri nəzərə alaraq ona azadlıqdan məhrum etmə müddəti təyin edir.
Xatırladaq ki, indi cinayət törətməkdə təqsirli bilinən müharibə iştirakçıları Rusiya prezidentinin imzaladığı əfv fərmanı ilə cəzadan azad edilirlər.
Nazlı
Bütün xəbərlər Facebook səhifəmizdə
USD
EUR
GBP
RUB