Paris şəhər Şurası yeni tikililərin hündürlüyünü 12 mərtəbə və ya 37 metrlə məhdudlaşdıran yerli şəhərsalma planını qəbul edib. SİA xarici KİV-ə istinadən xəbər verir ki, Paris uzun müddətdir ki, dünyanın ən simvolik tikililərindən biri olan Eyfel qülləsinə ev sahibliyi etməsinə baxmayaraq, hündürmərtəbəli inkişafı məhdudlaşdırmaq üçün mübarizə aparır.
“İşıq şəhəri” nəhayət ki, bu məqsədinə nail ola bilər. Şəhər Şurası ekoloji cəhətdən təmiz tikintini təşviq edəcək yeni “yerli şəhər planı”nı qəbul edib. Şəhər Şurası yeni tikililərin hündürlüyünü 12 mərtəbəli və ya təxminən 37 metrlə məhdudlaşdırmağa səs verdikdən sonra qüvvəyə minib. Parisin göydələnləri paytaxtın inzibati sərhədlərindən kənarda yerləşən Défense biznes rayonunda cəmləşib. Şəhərin cənubunda 13 və 15-ci məhəllələrdə çoxmərtəbəli binalarda çoxlu insanlar yaşayır. Bu binadan sonra 1977-ci ildə yeni tikililərə 37 metr hündürlük həddi qoyuldu. "Montparnas" qülləsi uzun müddətdir ki, bəzi parislilər tərəfindən yersiz olduğuna və şəhərin simvolik görünüşünü ləkələdiyinə görə tənqid edilir.
Bütün xəbərlər Facebook səhifəmizdə
USD
EUR
GBP
RUB