…Cümə günü, martın 1-də Rusiya prezidenti Putin rusiyalıların hərbi təlimlər üçün ehtiyata çağırılması haqqında fərman imzalayıb.
Hüquq informasiya portalında dərc olunan sənədə əsasən, ehtiyatda olanlar Rusiya Federasiyası Silahlı Qüvvələrində, Milli Qvardiya qoşunlarında, dövlət təhlükəsizlik orqanlarında, Federal Təhlükəsizlik Xidmətində, habelə mülki müdafiə və fövqəladə hallar üzrə hərbi xilasetmə birləşmələrində təlim düşərgələrinə gedəcəklər.
SİA-nın əldə etdiyi məlumata görə, bu barədə “The Moscow Times” yazır.
Rusiya Federasiyası Hökumətinə və Rusiya Federasiyasının təsis qurumlarının icra hakimiyyəti orqanlarına vətəndaşların hərbi xidmətə çağırılmasını və yığımların keçirilməsini təmin etmək həvalə edilmişdir.
Putinin fərmanında təlim müddəti və çağırılması planlaşdırılan ehtiyatda olan hərbçilərin sayı göstərilmir. Üstəlik, sənəddə “rəsmi istifadə üçün” qeyd olunan iki gizli bənd var.
Qeyd edək ki, Kreml uzun illərdir ki, toplantılarda iştirak edənlərin sayını gizli saxlayır və hadisələrin tarixləri 2019-cu ildən məxfiləşdirilir.
Xatırladaq ki, 2018-ci ildə təlim-məşq toplanışı iki ay davam etmişdi.
Nazlı
Bütün xəbərlər Facebook səhifəmizdə
USD
EUR
GBP
RUB