Ağ Ev ABŞ prezidenti Co Baydenin hazırkı sağlamlıq vəziyyəti ilə bağlı hesabatı paylaşıb və onun vəzifəsini yerinə yetirməsi üçün heç bir maneə olmadığını açıqlayıb. SİA xarici KİV-ə istinadən xəbər verir ki, Ağ Evin sözçüsü Karine Jean-Pierre tərəfindən verilən açıqlamada, Baydenin həkimi tərəfindən təsdiqlənən və vəziyyətinin yaxşı olduğu ifadə edilən hesabatın məzmunu yer alıb.
Baydenin həkimi Kevin O'Konnorun 81 yaşlı prezidentin illik müayinəsi ilə bağlı hesabatında onun səhhəti ilə bağlı yeni narahatlıq olmadığı paylaşılıb. O bildirib: "Prezident özünü yaxşı hiss edir və builki fiziki müayinə zamanı heç bir yeni narahatlıq aşkarlanmayıb. O, heç bir istisna və ya yerləşdirmə olmadan bütün vəzifələrini tam yerinə yetirir".
Hesabatda deyilir ki, Bayden 81 yaşında sağlam, aktiv, güclü insandır. O, baş icraçı direktor, dövlət başçısı və ali baş komandan daxil olmaqla, prezidentlik vəzifələrini uğurla yerinə yetirmək üçün yaxşı formadadır. Baydenin ürək ritmindən xolesterin dəyərlərinə qədər hər cür ətraflı məlumatın yer aldığı hesabatda ABŞ prezidentinin yuxu apnesinin sabit qaldığı ifadə edilib.
Qeyd edək ki, Co Baydenin səhhəti ilə bağlı məlumatlar noyabrda keçiriləcək prezident seçkilərindən əvvəl gəlib, onun səhhəti və yaşı ilə bağlı müzakirələr davam edir. Fevralın 9-10-da "ABC News/Ipsos" tərəfindən keçirilən sorğuda iştirakçıların 86 faizi 81 yaşlı Baydeni ikinci müddətə prezident olmaq üçün "çox yaşlı" hesab etdiklərini bildirib.
Bütün xəbərlər Facebook səhifəmizdə
USD
EUR
GBP
RUB