Ermənistanın KTMT-də iştirakının faktiki olaraq dondurulması ölkənin qurumda daimi nümayəndəsinin olmaması, yüksək və yüksək səviyyəli tədbirlərdə iştirak etməməsi deməkdir.
SİA TASS-a istinadən xəbər verir ki, bunu respublikanın baş naziri Nikol Paşinyan deyib.
Onun sözlərinə görə, Ermənistan hələ də KTMT-dən təşkilatın ölkədəki məsuliyyət sahəsinin nədən ibarət olması sualına cavab ala bilməyib.
Paşinyan hesab edir ki, bu fakt “respublikanın təhlükəsizliyinə və ərazi bütövlüyünə təhdid yaradır”. Bu baxımdan, təşkilat öhdəliklərini yerinə yetirməsə, Ermənistan KTMT-yə üzvlüyünü qanuni olaraq donduracaq, deyə o əlavə edib.
...Əgər biz indi faktiki olaraq fəaliyyətimizi dondurmuşuqsa, o zaman məsələlər həll olunmasa, de-yure edəcəyik, bəs bizə nə qalır?
Bunu da Paşinyan deyib.
Xatırladaq ki, bundan əvvəl baş nazir Ermənistanın KTMT-dəki iştirakının dondurulduğunu bəyan etmişdi. Onun bəyanatına cavab verən Kreml İrəvanın təşkilatda iştirakını dayandırmaq üçün heç bir rəsmi addım atmadığını bildirib.
Nazlı
Bütün xəbərlər Facebook səhifəmizdə
USD
EUR
GBP
RUB