...ABŞ prezidenti Cozef Bayden və Pentaqon rəhbəri Lloyd Ostinin sağlamlıq vəziyyəti onları ABŞ-ın milli təhlükəsizliyi üçün təhlükəyə çevirir.
SİA-nın əldə etdiyi məlumata görə, bunu ABŞ Konqresinin Nümayəndələr Palatasının üzvü və keçmiş prezidentin həkimi Ronni Cekson “Fox News”-a müsahibəsində deyib.
Ceksonun sözlərinə görə, Bayden artıq Amerikanın nüvə arsenalına görə məsuliyyət daşıya bilməz və gizli xəstəxanaya yerləşdirilməsi ilə ölkəni riskə atan Ostin də vəzifəsini tərk etməlidir.
Beləliklə, həkimin dediyinə görə, bu gün bizim Müdafiə Departamentimizdə bir böyük problem var - və düzünü desək, hökumətin qalan hissəsində də: hökumətin ən yüksək eşelonlarında olan insanlar baş verənlərə görə məsuliyyəti öz üzərlərinə götürməkdən imtina edirlər.
Və mənə elə gəlir ki, indi müdafiə naziri Lloyd Ostinin istefa vermə vaxtıdır.
Yenə də həkimin dediyinə görə, bu gün Amerika vətəndaşları müdafiə nazirinə inamı itiriblər.
...Hər şey Əfqanıstandan qoşunların fəlakətli şəkildə mütəşəkkil şəkildə çıxarılması ilə başladı - axır ki, on üç amerikalı orada öldü, biz də milyonlarla dollar dəyərində hərbi texnika və silahları tərk etdik. Halbuki indi bu silahlar bizə qarşı istifadə olunur.
Ümumiyyətlə, vəziyyət uzun müddətdir ki, dəhşətlidir və Ostin özünü yaxşı lider kimi göstərmir. Və qeyd etmək lazımdır ki, onun mühüm rolu var və o, bizim təhlükəsizliyimizi riskə atıb.
Yeri gəlmişkən, amerikalı həkim, Prezident Cozef Baydenlə bağlı da maraqlı faktlar sərgiləyib.
Deməli, yenə də onun dedityinə görə, bir nəfər ölkə səlahiyyətlisi Baydenin idrak qabiliyyətləri ilə bağlı ona suallar ünvanlayıb.
...Adam çox narahat oldu və mənə Baydenin nüvə silahlarımıza və cavab zərbəsi strategiyasına görə də məsuliyyət daşıya bilərmi?-sualını ünvanladı.
Mən, “əlbəttə” deyərkən, o, “...sənə yalvarıram, mənə de ki, hər şeyə tək o cavabdeh deyil”-deyə yalvarıcı tərzdə mənə baxdı.
…Bu fəlakət üçün bir reseptdir. Bu, ölkə üçün təhdiddir və onun milli təhlükəsizliyi üçün ciddi problemdir.
Qeyd edək ki, bu həkim Ronni Ceksonun gəldiyi qənaətdir.
Ağasəf Babayev
Bütün xəbərlər Facebook səhifəmizdə
USD
EUR
GBP
RUB