Ukraynanın xarici işlər naziri Dmitri Kuleba Qərb tərəfdaşlarını kifayət qədər silah tədarük etmədikləri üçün Avdeyevkanın itirilməsində günahlandırıb. SİA xəbər verir ki, bu haqda o, CNN telekanalına müsahibəsində danışıb: “Avdeyevkanı müdafiə etmək üçün artilleriya mərmiləri alsaydıq, onu itirməzdik”.
Kuleba həmçinin Avropanı qitədə “sülh dövrünün” başa çatdığını tanımağa və Ukraynaya daha çox silah göndərməyə çağırıb.
Qeyd edək ki, fevralın 17-i Rusiyanın müdafiə naziri Sergey Şoyqu Kreml sarayında Prezident Vladimir Putinə Donetsk vilayətinin Avdeyevka şəhərinin Rusiya ordusunun nəzarətinə keçdiyini məruzə edib.
Bütün xəbərlər Facebook səhifəmizdə
USD
EUR
GBP
RUB