Kanada 24 fevral 2022-ci ildən Rusiya ilə müharibə vəziyyətində olan Ukraynaya yerli istehsal olan 800-dən çox pilotsuz uçuş aparatı (PUA) göndərəcəyini açıqlayıb.
Kanada Müdafiə Nazirliyindən verilən açıqlamada Ukraynaya 800-dən çox "SkyRanger R70" model PUA göndəriləcəyi bildirilib.
SİA-nın əldə etdiyi məlumata görə, açıqlamada, ümumi dəyəri 70 milyon dollardan çox olan PUA-ların Ukraynanın müdafiəsinə töhfə verəcəyi qeyd edilib.
Açıqlamada PUA-ların kəşfiyyat məlumatlarının toplanmasında kritik əhəmiyyətə malik olduğu vurğulanıb və bu vasitələrin materialların daşınması üçün də istifadə oluna biləcəyi bildirilib.
Açıqlamada qeyd olunub ki, bu PUA-lar xüsusilə qaranlıqda və əlverişsiz hava şəraitində Ukrayna əsgərlərinə istənilən istilik mənbəyini uzaq məsafədən tanımağa kömək edəcək.
Qeyd edək ki, 2022-ci il fevralın 24-də Rusiya prezidenti Vladimir Putin Ukraynanı işğal etmək əmrini verdi və bununla da Rusiya-Ukrayna müharibəsi başladı.
Putin Kiyevin NATO-ya daxil olmasının qarşısını almaq və onu Rusiyanın təsir dairəsində saxlamaq üçün ölkəni demilitarizasiya etmək və nasistən təmizlənməsi məqsədi daşıdığını söyləyib.
Bütün xəbərlər Facebook səhifəmizdə
USD
EUR
GBP
RUB