2024-cü ildə “Eurovision” Mahnı Müsabiqəsi üçün Finlandiyanın milli seçimində qalib gələn “Windows95man” duetinin üzvləri İsrailin beynəlxalq müsabiqədə iştirakına qarşı olduqlarını bildiriblər.
…Biz İsrailin iştirak etməməsini istərdik. Bu, pis vəziyyətdir. Bizim hələ yaza qədər vaxtımız var. Ümid edək ki, Avropa Yayım İttifaqı düzgün qərarlar verəcək.
SİA-nın əldə etdiyi məlumata görə, bunu aparıcı müğənni Teemu Keysteri Yle TV-yə müsahibəsində deyib.
Qeyd edək ki, fevralın 10-da Finlandiyada “Eurovision” üçün milli seçim keçirilib.
Finalda “Windows95man” qrupu qalib gələrək “No Rules” mahnısını beynəlxalq auditoriyaya təqdim edəcək. Yanvarın 18-də “Eurovision” Mahnı Müsabiqəsinin təşkilatçıları İsraili iştirakçılar siyahısından çıxarmaq niyyətində olmadıqlarını açıqlayıblar.
Avropa Yayım Birliyinin izah etdiyi kimi,...bu, hökumətlər deyil, yayımçılar üçün bir yarışdır və İsrail yayımçısı 50 ildir iştirak edir.
Təşkilat əlavə edib ki, yarışmanın musiqi vasitəsilə bütün dünyada tamaşaçıları birləşdirən siyasətsiz bir hadisə statusunu saxlamaq istəyir və beynəlxalq idman federasiyaları İsrail idmançılarını böyük yarışlara qəbul etməyə davam edir.
Daha sonra 1,3 mindən çox finlandiyalı müğənni və musiqiçi “Eurovision”un Finlandiyanın milli yayımçısı Yle ilə əlaqə saxlayıb. Onlar telekanaldan İsveçin cənubundakı Malmö şəhərində keçiriləcək yarışın təşkilatçılarına təzyiq göstərməyi və ya onu boykot etməyi tələb ediblər. İsveçin SVT telekanalının məlumatına görə, İslandiyada etirazlar indiyədək yalnız “Eurovision”da iştirakla bağlı təxirə salınmış qərara gətirib çıxarıb.
Yeri gəlmişkən, 2022-ci ildə Avropa Yayım Birliyi Ukraynada baş verən hadisələrə görə Rusiyanın “Eurovision”-da təmsil olunmayacağını açıqlayıb.
Nazlı
Bütün xəbərlər Facebook səhifəmizdə
USD
EUR
GBP
RUB