Misir İsrail qoşunlarının Qəzzanın sıx məskunlaşdığı sərhəd şəhəri Rəfahı işğal edəcəyi təqdirdə Təl-Əvivlə bağladığı sülh müqaviləsini dayandıracağı ilə hədələyir.
SİA xarici qaynaqlara istinadən xəbər verir ki, bu barədə AP iki Misir rəsmisinə və bir Qərb diplomatına istinadən məlumat yayıb.
Sülh müqaviləsini dayandırmaq təhlükəsi İsrailin baş naziri Benyamin Netanyahunun bəyanatlarından sonra Misirdən gəlib.
O deyib ki, HƏMAS-a qarşı müharibədə qalib gəlmək üçün Rəfaha qoşun göndərmək lazımdır.
Üç məmur Misirin təhdidlərini təsdiqləyib, anonimlik şərti ilə danışıb, çünki həssas danışıqlar barədə jurnalistlərə məlumat vermək səlahiyyəti yoxdur.
Qeyd edək ki, Qətər və Səudiyyə Ərəbistanı da İsrailin Rəfahı işğal edəcəyi təqdirdə ciddi nəticələrlə bağlı xəbərdarlıq edib.
Yeri gəlmişkən, bu arada İsraili silahla təmin edən və onu “beynəlxalq atəşkəs çağırışlarından qoruyan” Ağ Ev də Netanyahuya Rəfahda quru əməliyyatına qarşı xəbərdarlıq edib. ABŞ bunun mülki əhali üçün fəlakət olacağını bildirib. \
Nazlı
Bütün xəbərlər Facebook səhifəmizdə
USD
EUR
GBP
RUB