NATO qüvvələri İsveç hərbçilərinin Latviyada yerləşdirilməsi üçün düşərgə hazırlayır.
SİA-nın əldə etdiyi məlumata görə, “Euronews” xəbər verir ki, alyansa üzvlüyünü hələ rəsmiləşdirməmiş İsveç artıq təşkilat çərçivəsində aktiv fəaliyyətə başlayır.
Stokholm Rusiyanın Baltikyanı ölkələrə mümkün işğalına qarşı ilk müdafiə xəttini təşkil etmək üçün Kanadanın rəhbərlik etdiyi çoxmillətli əməliyyat qrupu olan NATO-nun “Genişləndirilmiş İrəli Mövcudluğu”nda iştirak etmək üçün batalyon ölçülü mexanikləşdirilmiş birlik göndərəcək.
İsveç batalyonu orada eyni ölçülü Danimarka bölməsi ilə 6 aylıq rotasiya əsasında yerləşdiriləcək.
İsveç artıq NATO-nun Soyuq Müharibədən bəri ən böyük olan “Sabit Müdafiəçi 2024” manevrlərinin tam iştirakçısıdır. Onlar alyansın müxtəlif ölkələrində keçirilir. Qeyd edək ki, ABŞ dəniz piyadaları da Şimali Norveçdə xizəksürmə bacarıqlarını artıraraq iştirak edirlər.
Nazlı
Bütün xəbərlər Facebook səhifəmizdə
USD
EUR
GBP
RUB