Amerika mediası ABŞ-ın Suriyadan getmə planından, “oktyabrın 7-dən sonra prioritetlərin dəyişməsindən” yazıb. SİA bu barədə Türkiyə saytlarına istinad edir.
Suriyada uzun illərdir ki, Amerika Birləşmiş Ştatlarının qoşunları var.
Separatçı terror təşkilatı PKK/YPG ilə təlimdən silah yardımına qədər sıx əlaqələri olan ABŞ indi mühüm qərarın ərəfəsindədir.
ABŞ-ın “Foreign Policy”nin xəbərində Suriyadan çəkilmənin planlaşdırıldığı yazılıb. Xəbərdə xatırladılıb ki, ABŞ-ın Suriyada 900-ə yaxın əsgəri var.
Ağ Evin Suriyadakı missiyanı lazımsız qəbul etdiyi və ora sərmayə qoymaq istəmədiyi bildirilib. Xüsusilə DEAŞ-ın Yaxın Şərqdəki vəziyyətinin ABŞ üçün həlledici səbəb olduğu yazılıb.
Qeyd edək ki, DEAŞ 2014-cü ildə İraqda ayda təxminən 850, 2023-cü ildə isə 9 hücum törədib.
Suriyadakı vəziyyət İraqdan daha mürəkkəb olduğu üçün və İsrail-Fələstin gərginliyində ABŞ-ın prioritetləri dəyişə biləcəyi üçün Amerika geriçəkilmə qərarı verib.
Suriyadan çəkilmənin nə vaxt və necə baş tutacağı bəlli olmasa da, məsələ ilə bağlı daxili müzakirələr davam edir.
Bütün xəbərlər Facebook səhifəmizdə
USD
EUR
GBP
RUB