...Təbii ki, Rusiya daxilində artan gərginliklərlə bağlı deyilənlər elə də bir yenilik olmamalıdır. Amma maraqlıdır ki, bunu artıq yerli ruslar da etiraf etməyə başlayıblar.
SİA bu dəfə xarkovlu jurnalist və bloger Aleksey Kopıtkonun yazdıqlarına istinad edəcək. Qeyd edək ki, Rusiya Federasiyasındakı son uğursuzluqları təhlil edən Kopıtko, bu ölkədəki son beş əhəmiyyətli siqnalı müəyyən edib.
Nədir bunlar?
Deməli, bunlardan ən önəmlilərdən biri son günlər Rusiyanın əksər şəhərlərinin mənzil-kommunal təsərrüfatı sistemində baş verən qəzalardır. Maraqlıdır ki, hakimiyyət orqanlarının günahı keçidçilərin üzərinə yıxmaq cəhdi onların müdafiəsi üçün petisiyaya səbəb olub. Reallıq isə budur ki, ruslar soyuqdan donurlar...
...Növbəti siqnal, unikal uzaqmənzilli kəşfiyyat təyyarəsi və uçan komanda məntəqəsi ilə bağlı yaşanan insidentdir. Qeyd edək ki, Kremlin hər şeyi Rusiya Hava Hücumundan Müdafiə Qüvvələrinin səhvi ilə əlaqələndirmək cəhdlərinə baxmayaraq, Ukrayna ordusunun daha əvvəl sahib olmadığı imkanlara yenidən sahib olması Rusiyanı bürüyür.
...“Lukoyl”un Nijni Novqoroddakı neft emalı zavodunda qəza növbəti siqnal kimi təqdim edilir. Deyilənlərə görə, şirkət artıq benzin istehsalını iki dəfə azaldıb. Yenə də deyilənlərə görə, vəziyyətin mart ayına qədər düzələcəyi deyilsə də, amma...
...Daha bir siqnal Başqırdıstanda yerli fəallardan biri Fail Alsınovun məhkəməsi ilə bağlı kütləvi etirazlardır. Guya Alsınov başqırd dilindəki çıxışlarının birində Qafqaz, Orta Asiya sakinləri və ermənilər haqqında mənfi fikirlər səsləndirib. Buna görə o, “milli ədavəti qızışdırdığı” üçün 4 il həbs cəzası almalıdır.
...Belə çıxır ki, Dağıstanda yəhudiləri qətlə yetirmək üçün izdihamla hava limanına hücum etmək yerli, cəzasız bir ləzzətdir, lakin Başqırdıstanda doğma torpağın təbiətini qorumaq və ana dilində danışmaq nifaqdır.
Deyim ki, bu mənlik deyil, Kopıtko belə yazıb.
...Və ən nəhayət səfərbər arvadlarının ritorikasının tədricən sərtləşdirilməsi. Deyilənlərə görə, qadın etirazları baş verə biləcək ən pis şeydir. Bunu deyənlər tarixi təcrübəyə istinad edirlər. Əgər Rusiyada bu yaşansa, onu söndürmək üçün Kremlə resurslar lazım olacaq.
Əslinə qalanda bu “əhəmiyyətli siqnalları” bir balaca uzatmaq da olardı, amma...
...Bu o demək deyil ki, Rusiya Federasiyası sabah dağılacaq və ya buna bənzər nəsə baş verəcək.
Demək olar ki, bu, Rusiya daxilindəki müxtəlif sahələrdə gərginliyin artdığının göstəricisidir.
Şübhə yoxdur ku, Rusiyada dağılmalar və çökmələr baş verəcək. Birlikdə götürsək, bu, Putinin mart ayında uzadılması üçün də pis fon yaradır.
Bəlkə də bu nəticəyə təsir etməyəcək, amma atmosfer daha da pisləşəcək.
Ona görə də Kreml hələ də çılğın şəkildə Rusiyanın çox güclü olduğunu və sabah Ukraynanı dağıdacağının siqnalını verir.
Kopıtkonun yazdığına görə, bu mifi dəstəkləmək üçün qanlı bir burun var, çünki əks halda fermentasiya başlayacaq.
Yeri gəlmişkən, fermentlərin hərəkəti orqanik substratlarda kimyavi dəyişikləri yaradan prosesdir.
Ağasəf Babayev
Bütün xəbərlər Facebook səhifəmizdə
USD
EUR
GBP
RUB