Suriya böhranının həllinə dair Astana prosesinin zəmanətçi ölkələri olan Türkiyə, Rusiya və İran yanvarın 24-25-də Qazaxıstanın paytaxtı Astanada görüşəcək. SİA bu barədə Tükiyə saytlarına istinad edir.
Qazaxıstan Xarici İşlər Nazirliyindən verilən açıqlamada, Astana prosesinin zəmanətçi ölkələrinin birgə müraciəti əsasında Astana formatında Suriya üzrə 21-ci danışıqların qeyd olunan tarixlərdə Astanada keçiriləcəyi bildirilib.
Açıqlamada danışıqlarda zəmanətçi ölkələr olan Türkiyə, Rusiya və İranın nümayəndə heyətləri ilə yanaşı, Dəməşq rəhbərliyi və müxalifətinin də iştirak edəcəyi bildirilib.
Açıqlamada qeyd olunub ki, iclaslarda müşahidəçi qismində Birləşmiş Millətlər Təşkilatı, İordaniya, İraq və Livan nümayəndələrinin iştirakı gözlənilir.
“Danışıqların gündəmdə Suriya ətrafında regional vəziyyətin inkişafı, Suriyada hərtərəfli həll istiqamətində səylər, humanitar vəziyyət və Suriyanın yenidən qurulmasının asanlaşdırılması üçün beynəlxalq ictimaiyyətin səylərinin səfərbər edilməsi var”,-deyə açıqlamada bildirilib.
Suriya böhranının həlli üçün aparılan Astana danışıqlarının vasitəçi ölkələri sonuncu dəfə 2023-cü ilin yayında görüşüb.
Bütün xəbərlər Facebook səhifəmizdə
USD
EUR
GBP
RUB