Macarıstanın baş naziri Viktor Orban Avropa İttifaqındakı həmkarlarının təkərlərinə dəfələrlə çubuq taxıb.
SİA-nın əldə etdiyi məlumata görə, dekabrın sonunda Avropa İttifaqı liderlərinin sammitində 2024-2027-ci illərdə Ukraynaya qoyulacaq 50 milyard avroya Orbanın veto qoyması onun ən böyük hərəkəti olub.
...Amma görünən odur ki, deyəsən, Orban həddən artıq oynayıb və bu dəfə Avropa İttifaqı təxribata boyun əyməyəcək.
Bunu “Politico” yazır.
...Onun artıq yanvar ayında verdiyi yardımın məbləğinin dörd hissəyə bölünməsi və hər il pulun ayrılmasına mane olmaq imkanı ilə baxılması təklifi müsbət qarşılanmayıb.
Qeyd edək ki, hazırda danışıqlar aparan Brüsseldən güzəştlərin həcmi azalıb. Konkret razılaşmalar hələ əldə olunmasa da, Avropa İttifaqı indi əmindir ki, fevralın 1-də keçiriləcək sammitə qədər Kiyevə pul ayrılması barədə razılığa gələ biləcək.
“Politico” yazır ki, danışıqların nəticəsi ilə bağlı nikbinlik hissi başqa şeylərlə yanaşı, Brüsselin hesab etdiyi kimi, Orbanın şantaj üçün imkanlarını tükətib dalana dirənməsi ilə bağlıdır.
Avropa İttifaqında əsas məsələlərlə bağlı qərarlar yekdilliklə qəbul edilir. Lakin iki diplomatın fikrincə, Orban Ukraynaya ikinci dəfə pul ayrılmasına veto qoysa, bir sıra Avropa İttifaqı ölkələri Macarıstanı müvəqqəti olaraq Avropa Şurasında səsvermə hüququndan məhrum etməyə çağıracaq.
Qeyd edək ki, Avropa İttifaqı haqqında Müqavilənin 7-ci maddəsinə əsasən, bu, üzv ölkə öz dəyərlərinə əməl etmədiyi halda edilə bilər.
Ağasəf Babayev
Bütün xəbərlər Facebook səhifəmizdə
USD
EUR
GBP
RUB