Prezident Rəcəb Tayyib Ərdoğan ukraynalı həmkarı Volodimir Zelenski və Somali Prezidenti Həsən Şeyh Mahmudla telefonla danışıb. SİA bu barədə Tükiyə saytlarına istinad edir.
Prezident Administrasiyasının Kommunikasi İdarəsinin sosial media hesabından edilən paylaşıma görə, Ərdoğan-Zelenski görüşündə regional və qlobal məsələlər, xüsusilə Ukrayna-Rusiya müharibəsi müzakirə edilib.
Prezident Ərdoğan telefon danışğında Türkiyənin həm Ukraynada, həm də Fələstin torpaqlarında axan qanların dayandırılması və davamlı sülhün təmin edilməsi üçün intensiv səylər göstərdiyini ifadə edərək, Türkiyenin sülhün təmin olunması üçün vasitəçi rolunu öz üzərinə götürməyə və sülh danışıqlarına ev sahibliyi etməyə hazır olduğunu vurğulayıb.
Prezident Ərdoğan taxıl dəhlizinin yenidən qurulmasının və fəaliyyətə başlamasının vacib olduğunu və bu məqsədlə diplomatik əlaqələri davam etdirdiyini bildirib.
Görüş zamanı Ərdoğan bildirib ki, Ukraynada atəşkəs tezliklə əldə olunmalı və sülh üçün qapılar açılmalıdır.
Prezident Ərdoğan ilə Somali Prezidenti Mahmud arasında baş tutan telefon danışığında Türkiyə-Somali münasibətləri, terrorla mübarizə, qlobal və regional məsələlər müzakirə edilib.
Görüş zamanı Ərdoğan Türkiyənin terrorla mübarizədə Somalinin yanında olduğunu və iki ölkə arasında əməkdaşlığın güclənərək davam edəcəyini bildirib.
Prezident Ərdoğan qeyd edib ki, Somali ilə Efiopiya arasındakı narahatlıq doğuran gərginliyə Somalinin ərazi bütövlüyü əsasında son qoyulmalıdır.
Bütün xəbərlər Facebook səhifəmizdə
USD
EUR
GBP
RUB