Bolqarıstanın müdafiə naziri Todor Taqarev Türkiyə və Rumıniya ilə gələn həftə İstanbulda Qara dənizdə minaların təmizlənməsi ilə bağlı müqavilə imzalayacaqlarını açıqlayıb. SİA bu barədə Tükiyə saytlarına istinad edir.
Bolqarıstan Xəbər Agentliyinin (BTA) məlumatına görə, Todor Taqarev ölkənin cənub-qərbində yerləşən Blaqoyevqrad şəhərində Qara dənizdə dəniz minalarına qarşı aparılan mübarizə ilə bağlı jurnalistlərə açıqlama verib.
Taqarev bəyan edib ki, Bolqarıstan, Rumıniya və Türkiyə gələn həftə İstanbulda Qara dənizdə minaların təmizlənməsi ilə bağlı saziş imzalayacaq.
Taqarev qeyd edib ki, müqavilənin mətni və konsepsiyası ilə bağlı razılığa gəliblər.
“Rusiyanın 2022-ci ildə Ukraynada başlatdığı müharibə ərazimiz və naviqasiya təhlükəsizliyimiz üçün risklər yaradır və bu riskləri minimuma endirmək üçün üç ölkənin donanması minalardan təmizlənəcək”, -deyə Taqarev qeyd edib.
Bütün xəbərlər Facebook səhifəmizdə
USD
EUR
GBP
RUB