Ordu ilə peşəkar müqavilə bağlayan 18 yaşlı rus işğalının iştirakçısı Ukraynadakı müharibədə həlak olub. Müqavilənin imzalanması ilə keçmiş məktəbli Stanislav Silçenkovun ölümü arasında üç aydan az vaxt keçdi.
SİA-nın əldə etdiyi məlumata görə, bu barədə BBC Rus Xidməti danışır.
Xatırladaq ki, 2023-cü ilin aprelində Dövlət Duması orduya 18 yaşına çatmış orta məktəb məzunları ilə müqavilə bağlamağa icazə verən qanun qəbul etdi. Bundan əvvəl Rusiya qanunları tələb edirdi ki, peşəkar xidmətə keçməzdən əvvəl gələcək hərbçi texniki məktəbi bitirməli və ya ən azı üç ay hərbi xidmət keçməlidir.
Britaniya kanalının jurnalistləri Rusiyanın “Mediazona” nəşri və könüllülər qrupu ilə birlikdə müharibənin əvvəlindən ölənlərin siyahısını aparır, Rusiyanın Ukraynaya hücumunda ölən 40 mindən çox iştirakçının adlarını bilirlər.
Qeyd edək ki, Silçenkov 2005-ci il təvəllüdlü ilk ölən hərbçidir.
Onun anası İrina BBC-yə bildirib ki, Silçenkov müqaviləni sentyabrın 5-də imzalayıb və noyabrın 17-də cəbhə xəttində dünyasını dəyişib.
Əvvəllər telekanal qeyd edirdi ki, bir çox hallarda Rusiya hərbçilərinin cəbhəyə göndərilmədən əvvəl hazırlığı cəmi bir neçə gün davam edir. Kanalın araşdırmasında qeyd olunur ki, hətta Sovet İttifaqında hərbi xidmətə çağırılan əsgərlər Əfqanıstana göndərilməzdən əvvəl 4-6 ay təlim keçiblər.
Nazlı
Bütün xəbərlər Facebook səhifəmizdə
USD
EUR
GBP
RUB