İsrailin Maqazi qaçqın düşərgəsinə hücumu nəticəsində 70 nəfər ölüb.
SİA-nın türk saytlarından əldə etdiyi məlumata görə, İsrail Qəzza zolağını bombalamağa davam edir.
İsrail ordusu Qəzza zolağının mərkəzi hissəsində yerləşən Maqazi qaçqın düşərgəsini vurub.
İsrail ordusunun mülki əhalinin yaşadığı evlərə hava zərbəsi endirdiyi, Maqazi qaçqın düşərgəsinə təşkil etdiyi hücumda azı 70 fələstinlinin həyatını itirdiyi bildirilib.
Oktyabrın 7-dən bəri İsrailin hücumları nəticəsində həlak olan fələstinlilərin sayı 20424-ə yüksəlib.
Qəzzadakı Səhiyyə Nazirliyi əhalinin çox olduğu Maqazi qaçqın düşərgəsinə edilən hücumun soyqırım olduğuna diqqət çəkib.
İsrail təhlükəsiz bölgə olacağını iddia etdiyi Xan Yunisə hücumlarını davam etdirir.
Xatırladaq ki, ''Həmas''ın silahlı qanadı İzzəddin əl-Qəssam Briqadaları İsrailin fələstinlilərə və onların müqəddəs dəyərlərinə qarşı davamlı pozuntularına cavab olaraq oktyabrın 7-də səhər saatlarında hərtərəfli hücuma keçib. İsrail qüvvələri də buna cavab olaraq Qəzza zolağına intensiv hücumlara başlayıb.
Bütün xəbərlər Facebook səhifəmizdə
USD
EUR
GBP
RUB