Sankt-Peterburqun Nevski rayonunda güclü yanğın baş verib. Hadisə yerindən video “Mash on the Moika” Telegram kanalı tərəfindən yayımlanıb. SİA bu barədə rus saytlarına istinad edir.
Yanğın Skladskaya küçəsində yerləşən anqarda baş verib. Yanğın sahəsi 300 kvadratmetrə çatıb. Hadisə şahidlərinin sözlərinə görə, tüstü iki küçəni bürüyüb.
Fövqəladə Hallar Nazirliyinin Sankt-Peterburq üzrə departamenti hələlik tələfat barədə məlumat olmadığını bildirib.
Şöbədən bildirilib ki, saat 18:56-da əlavə 1-BIS nömrəsi təqdim edilib. Yanğının söndürülməsinə 27 nəfər canlı qüvvə və 6 texnika cəlb olunub.
Bundan əvvəl Moskvada evakuator hərəkətdə olarkən yanıb. Hadisə Kaşirskoye şosesində 52 saylı evin ərazisində baş verib. Hadisə yerindən çəkilmiş kadrlarda “Qazel” markalı avtomobilin yanması, “Renault” markalı minik avtomobilinin təxliyyə edildiyi görünür.
Avtomobil platformadan çıxarılsa da, evakuatorun salonu tamamilə yanıb.
Nəşrin dərc edildiyi vaxt itkilər barədə məlumat verilməyib.
Nazlı
Bütün xəbərlər Facebook səhifəmizdə
USD
EUR
GBP
RUB