...Kremlin Qərbə göndərdiyi sülh sazişinə hazır olduğuna dair siqnallar çox güman ki, Ukraynanın tərəfdaşları arasında nifaq salmaq cəhdidir. Əslində, Putin güzəştə getməyə hazır deyil.
SİA-nın xarici qaynaqlardan əldə etdiyi məlumata görə, bunu ukraynalı siyasi şərhçi və jurnalist Vitali Portnikov bildirir.
Qeyd edək ki, “The New York Times”ın məqaləsini təhlil edən publisist bir sıra mühüm nəticələr çıxarıb.
Birincisi, Putin artıq ələ keçirə bildiyi Ukrayna ərazisinin bir metrini belə itirməyə hazır deyil.
İkincisi, rus lideri Kiyevlə deyil, Vaşinqtonla dondurucu müharibə haqqında danışıqlar aparmağa can atır.
Bundan əlavə, Portnikovun fikrincə, sülhə hazırlığın bütün bu siqnalları əslində Ukraynanın müttəfiqləri arasında münaqişələri qızışdırmaq və onların bəzilərini Kiyevi Rusiya Federasiyasının şərtlərini qəbul etməyə məcbur etmək üçün sadəcə siyasi oyun ola bilər.
Ukraynalıya görə, bu vəziyyətdə sual yaranacaq: gələcəkdə Rusiya təcavüzünün təkrarlanmaması üçün Qərb Ukraynaya hansı təhlükəsizlik zəmanətlərini verməyə hazır olacaq?
Axı bu gün Putin düşünə bilər ki, Ukrayna ərazisinin 20 faizini onun üçün kifayətdir, amma sabah daha 40 faizini istəyəcək.
Ona görə də Rusiya prezidentinin həqiqətən də müharibəni bitirmək istədiyini iddia etmək ehtiyatsızlıqdır.
Portnikovun sözlərinə görə, Putin artıq başa düşməyə başlayıb ki, o, Ukraynanın geosiyasi seçiminə təsir edə bilməyəcək. Ancaq öz ovunu artıq tutmuş hər hansı yırtıcı kimi Putin də heç olmasa nəzarətində olanı dişlərində saxlamağa çalışır. ...Yaxud o, guya qanlı qənimətin bu hissəsinin onu və sağalmaz şovinist virusa yoluxan həmyerlilərini razı salmağa qadir olduğunu iddia edə bilər.
Bu da Portnikovun fikridir.
Ağasəf Babayev
Bütün xəbərlər Facebook səhifəmizdə
USD
EUR
GBP
RUB