İran Fars körfəzində öz nəzarətində olan və Birləşmiş Ərəb Əmirliklərinin (BƏƏ) də suverenlik iddiasında olduğu üç ada ilə bağlı verilən birgə bəyanata reaksiya olaraq Rusiyanın Tehrandakı müvəqqəti işlər vəkilini Xarici İşlər Nazirliyinə çağırıb.
SİA xarici qaynaqlara istinadən xəbər verir ki, İran Xarici İşlər Nazirliyindən verilən yazılı açıqlamaya görə, Tehranın etiraz notası səfirin olmadığı müddətdə nazirliyə çağırılan Rusiyanın müvəqqəti işlər vəkilinə çatdırılıb.
Bildirilib ki, Fars körfəzindəki üç ada İrana aiddir və bu məsələ ilə bağlı hər hansı tərəfin iddiası qəbuledilməzdir.
Rus diplomat isə İranın ən qısa zamanda öz etirazlarını Moskvaya çatdıracağını bəyan edib.
Qeyd edək ki, dekabrın 20-də Mərakeşdə keçirilən 6-cı Rusiya-Ərəb Forumundan sonra dərc olunan birgə bəyanatda “BƏƏ ilə İran arasında Böyük Tunb, Kiçik Tunb və Əbu Musa adaları ilə bağlı mübahisə beynəlxalq hüquq çərçivəsində və ikitərəfli müzakirələr yolu çərçivəsində həll edilməlidir. Bütün sülhsevər səylərə dəstək" vurğulandı.
İran Xarici İşlər Nazirliyinin dekabrın 21-də verdiyi bəyanatda Tehranın “sözügedən üç ada üzərində suverenliyinin danışıqlara açıq olmadığı” bildirilib.
Ötən gün İranın xarici işlər naziri Hüseyn Əmir Abdullahiyanla rusiyalı həmkarı Sergey Lavrov arasında məsələ ilə bağlı telefon danışığı olub.
Bütün xəbərlər Facebook səhifəmizdə
USD
EUR
GBP
RUB