Prezident Vladimir Zelenski Ukrayna xalqına axşam videomüraciətində başa çatan həftəni tarixi və məhsuldar adlandırıb.
...Bizim il boyu çalışdığımız Avropa Şurasının qərarı var - üzvlük danışıqlarını açmaq qərarı. Yaxın günlərdə biz rəsmi olaraq Avropa Komissiyası ilə Ukrayna qanunvericiliyinin Avropa İttifaqı qanunvericiliyinə uyğunluğunun qiymətləndirilməsi prosesinə başlayacağıq. Biz həmçinin Ukrayna üzrə danışıqlar çərçivəsi üzərində işləməyə hazırlaşırıq. Danışıqlar prosesi asan olmayacaq, amma əsas odur ki, biz tarixən belə qərara gəldik: Ukrayna həmişə bizim ümumi Avropa evimizin bir hissəsi olacaq. Mən lazımi Avropa qərarlarının yaxınlaşmasına kömək edən hər kəsə - siyasətçilərə, ictimai liderlərə və müxtəlif ölkələrin bizə inanan insanlarına təşəkkür edirəm.
SİA-nın əldə etdiyi məlumata görə, bunu Ukrayna prezidenti bildirib.
Zelenski qeyd edib ki, Ukrayna hakimiyyəti gələn il Ukraynaya kifayət qədər maliyyə dəstəyi proqramlarının olmasını təmin etmək üçün işlərini davam etdirir.
Zelenski müstəqillik müharibəsində Ukraynaya əhəmiyyətli dəstək verən Şimali Avropa ölkələrinə də təşəkkür edib və Latın Amerikası ölkələrinin liderləri ilə görüşlərdən danışıb.
Prezident Milli Qvardiyanın bəzi əsgərlərinə təşəkkür edib, onların adlarını çəkib, qələbəni yaxınlaşdıran hər kəsə minnətdarlığını bildirib.
Nazlı
Bütün xəbərlər Facebook səhifəmizdə
USD
EUR
GBP
RUB