Fransa Nigeri tərk etdikdən sonra Rusiya Nigerdə əlverişli mövqedədir.
SİA-nın əldə etdiyi məlumata görə, bu fikir “Le Monde” qəzetində yer alıb.
Nəşr xatırladıb ki, Rusiya Müdafiə Nazirliyinin rəis müavini Yunus-Bek Yevkurovun rəhbərlik etdiyi Rusiya nümayəndə heyəti ötən həftəsonu Nigerə gəlib.
...Rusiya diplomatiyası Nigerdə əlverişli mövqedədir. Fransa isə devrilmiş rejimin imtiyazlı müttəfiqi, Parislə hərbi əməkdaşlıq müqavilələrini pisləyən və əsgərlərinin ölkədən çıxarılmasına nail olan yeni hakimiyyətin hədəfinə çevrilib.
Le Monde-un məlumatına görə, görüşdən sonra Rusiya Federasiyası ilə Niger arasında ölkələr arasında “hərbi əməkdaşlığın gücləndirilməsinə dair” sənədlər imzalanıb. Bundan əlavə, Rusiya nümayəndə heyəti onun Sahel bölgəsindəki əsas müttəfiqi Maliyə səfər edib və burada bərpa olunan enerji mənbələri, gübrə, buğda və neft məhsullarının tədarükü məsələlərini müzakirə ediblər.
Xatırladaq ki, iyulun sonunda Nigerdə prezident qvardiyasının bir qrup hərbçisi qiyam qaldıraraq ölkə başçısı Məhəmməd Bazumun vəzifəsindən uzaqlaşdırıldığını bəyan etmişdi. Daha sonra onlar qvardiya komandiri Əbdürrəhman Çianinin rəhbərlik etdiyi Vətəni Müdafiə Milli Şurasını, sonra isə hökuməti yaratdılar.
Oktyabrda bütün fransız qüvvələri Nigeri tərk etdi.
Nazlı
Bütün xəbərlər Facebook səhifəmizdə
USD
EUR
GBP
RUB