Bu arada Rusiya prezidenti Vladimir Putin Moskvada keçirilən Xalq Təsərrüfatı Nailiyyətləri Sərgisində keçirilən “Rusiya” sərgi-forumuna gəlib.
SİA-nın rus saytlarından əldə etdiyi məlumata görə, Moskvadakı şaxtaya baxmayaraq, dövlət başçısı papaqsız olub.
Qeyd edək ki, Moskvada meteoroloji müşahidələrin bütün tarixində dekabrın 3-də baş verən belə böyük yağıntı heç vaxt olmayıb. Məsələ bundadır ki, bunu “Fobos” Hava Mərkəzinin aparıcı mütəxəssisi Mixail Leus də etiraf edib.
Onun sözlərinə görə, bazar günü paytaxta 10 mm yağıntı düşüb və bu, yalnız ilkin məlumatdır, çünki qar yağmaqda davam edir.
Dekabrın 3-də yağan qar fırtınası artıq Moskva sakinləri və şəhər xidmətləri üçün çoxlu problemlər yaradıb. Belə ki, yağıntı şəhərdə yeddi ballıq tıxaclara, “Lokomotiv” – “Zenit” matçının təxirə salınmasına və Moskva vilayətində 20 avtomobilin iştirakı ilə kütləvi qəzaya səbəb olub. Sinoptiklərin məlumatına görə, qar yağışı dekabrın 4-ü səhər saatlarında dayanacaq.
...Dekabrın 3-də yağıntının 11-16 millimetr təşkil edəcəyi gözlənilir ki, bu da aylıq normanın üçdə birini təşkil edir. Artıq gələn həftənin əvvəlində qar uçqunlarının hündürlüyü 28 santimetrə çatacaq. Hadisələrin bu inkişafı normadan dörd dəfə yüksəkdir.
Bunu da rus saytları sinoptiklərin məlumatına istinadən yazıblar.
Nazlı
Bütün xəbərlər Facebook səhifəmizdə
USD
EUR
GBP
RUB