Prezident Rəcəb Tayyib Ərdoğan Dubayda BMT-nin İqlim Dəyişikliyi üzrə Çərçivə Konvensiyasının 28-ci Tərəflər Konfransında bildirib ki, Türkiyə Qəzza zolağında nizamlanma üçün istənilən məsuliyyəti öz üzərinə götürməyə hazırdır.
Onun sözlərinə görə, Fələstin problemi yalnız iki dövlətin birgə yaşaması prinsipi əsasında həll edilə bilər.
SİA-nın əldə etdiyi məlumata görə, Türkiyə prezidentinin çıxışı TRT Haber kanalı tərəfindən yayımlanıb.
Türkiyə tənzimləmə prosesi zamanı istənilən məsuliyyəti öz üzərinə götürməyə hazırdır”, - deyə Ərdoğan bildirib.
Qeyd edək ki, o, yenidən İsraili bəşəriyyətə qarşı cinayət törətməkdə ittiham edərək, Təl-Əvivin hərəkətlərinə haqq qazandıra bilməyəcəyini vurğulayıb.
Bundan əvvəl Ərdoğan bildirib ki, İsrail Qəzza zolağında törədilən hərbi cinayətlərə görə cinayət məsuliyyətinə cəlb edilməlidir.
Onu da qeyd edək ki, Türkiyə lideri öz mövqeyini BMT-nin baş katibi Antonio Quterreşlə söhbətində də bildirib.
Yeri gəlmişkən bundan əvvəl Ərdoğan qeyd edib ki, İsrail dezinformasiya vasitəsilə Qəzza zolağında hərbi əməliyyatlarına haqq qazandırmağa çalışır. Onun sözlərinə görə, ABŞ 2003-cü ildə İraqın işğalına haqq qazandırmağa çalışarkən də eyni texnikadan istifadə edib.
Türkiyə lideri Qəzzada bütün qətliamların mərhələli şəkildə planlandığını, qadınların, kişilərin və uşaqların hara və necə hücuma məruz qalacağını aydın şəkildə anladığını vurğulayıb. O qeyd edib ki, İsrail ordusu HƏMAS yaraqlılarının istifadə etdiyi tibb müəssisələrinin altındakı tunellərin axtarışı barədə danışıb, lakin bütün bunların “yalan olduğu ortaya çıxıb”.
Nazlı
Bütün xəbərlər Facebook səhifəmizdə
USD
EUR
GBP
RUB