Ukraynanın Müdafiə Nazirliyi və Silahlı Qüvvələri hərbi əməliyyatların hazırlanması və aparılması üçün NATO-nun daha dörd standartını tətbiq edib.
SİA-nın əldə etdiyi məlumata görə, bu barədə xəbəri Ukrayna Müdafiə Nazirliyi yayıb.
Oktyabr-noyabr aylarında Ukrayna Müdafiə Nazirliyində və Silahlı Qüvvələrində aşağıdakı standartlar tətbiq edildi:
-Şəhər mühitində əməliyyatların aparılması üçün təhsil və hazırlıq;
- NATO-nun hava-desant əməliyyatları taktikası, metodları və prosedurları;
-Yerüstü taktiki hərəkətlərin aparılması;
-Hava və kosmik əməliyyatlar.
Müdafiə Nazirliyi standartlara aşağıdakı izahatları verir:
- birincisi, böyük məskunlaşmış ərazilərdə döyüş əməliyyatlarına hazırlıq üzrə standartlaşdırılmış təlimlərin təmin edilməsinə aiddir;
-ikinci - komandirlərə və onların qərargahlarına hava əməliyyatlarının planlaşdırılması, əlaqələndirilməsi və icrası üzrə təlimatların verilməsi;
-üçüncü - hər hansı əməliyyat çərçivəsində və hər hansı kampaniya çərçivəsində yarana biləcək vəziyyəti sabitləşdirmək üçün fəaliyyət və tapşırıqların planlaşdırılması və həyata keçirilməsi üzrə təlimatların verilməsi;
-Dördüncü standart ümumi doktrinaya aiddir, onun əsasında birgə əməliyyatlar zamanı aerokosmik əməliyyatlar üçün imkanların tətbiqi üçün standart prosedurlar tərtib edilə bilər.
Hazırda Müdafiə Nazirliyi və Orduda 280 NATO standartı tətbiq edilib: Ukrayna-NATO Tərəfdaşlıq Məqsədləri çərçivəsində 174 prioritet və Tərəfdaşlıq Məqsədlərindən kənarda həyata keçirilən 106 “təşəbbüs”.
Yeri gəlmişkən, ümumilikdə NATO-da 1135 standart var, Ukrayna onların təxminən dörddə birini tətbiq edib.
Ağasəf Babayev
Bütün xəbərlər Facebook səhifəmizdə
USD
EUR
GBP
RUB