...Bu arada rus hərbi qüvvələri Ukrayna mövqelərinə soxulublar, lakin Ukrayna əsgərləri düşmənin hücumlarını dəf edə biliblər.
SİA-nın Ukrayna saytlarından əldə etdiyi məlumata görə, ukraynalılar Dneprin sol sahilində, Xerson vilayətində mövqelərini tutmaqla və ruslara atəş zərbələri endirməkdə davam edirlər.
Ukrayna Silahlı Qüvvələrinin Baş Qərargahının məlumatına görə, Ukraynanın şərqində və cənubunda əməliyyat vəziyyəti ağır olaraq qalır.
Gün ərzində cəbhədə 56 hərbi toqquşma baş verib.
Baş Qərargahın məlumatına görə, Baxmut istiqamətində düşmən Boqdanovka, Kleşçievka, Andreevka və Şimali Donetsk vilayətində hücum əməliyyatları həyata keçirib, burada müdafiə qüvvələri 16 hücumu dəf edib. Düşmən Donetsk vilayətinin Çasov Yar və Toretsk yaşayış məntəqələri ərazilərinə də aviazərbələr endirib.
Avdeevski istiqamətində rusların 15 hücumunu dəf edilib. Amma buna baxmayaraq, Donetsk vilayətinin Pervomaiskoye, Tonenkoyenin cənubu, Stepnoye, Avdeevka yaxınlığında uğursuz hücum əməliyyatları keçiriblər.
Maryinski istiqamətində Ukrayna əsgərləri Donetsk vilayətinin Krasnoqorivka, Marinka və Novomixailovka ərazilərində düşmənin 12 hücumunu dəf edib.
Ruslar Xarkov vilayətinin Sinkovka və Petropavlovka yaxınlığında Kupyanski istiqamətində hücuma keçiblər. Müdafiə qüvvələri rusların 4 hücumu dəf edib. İşğalçılar Xarkov vilayətinin İvanovka və Stepnoy-Novoselovka yaxınlığına hava zərbələri endiriblər.
Liman istiqamətində düşmən Donetsk vilayətinin Ternı kəndi ərazisində uğursuz hücum əməliyyatları keçirib, burada müdafiə qüvvələri 3 hücumu dəf edib. Donetsk vilayətinin Spornoye kəndi ərazisinə hava zərbəsi endirilib.
Zaporojye istiqamətində düşmən iki dəfə Zaporojye rayonunun Rabotinoye ərazisində itirilmiş mövqelərini bərpa etməyə cəhd göstəriblər.
Ruslar cəbhə xəttində bir neçə rayonda əhalinin məskunlaşdığı əraziləri artilleriya və minaatanlardan atəşə tutublar.
Ağasəf Babayev
Bütün xəbərlər Facebook səhifəmizdə
USD
EUR
GBP
RUB