Türkiyə Böyük Millət Məclisinin (TBMM) sədri Numan Kurtulmuş Meksika, İndoneziya, Cənubi Koreya, Türkiyə və Avstraliyanın təşkil etdiyi MİKTA-nın 9-cu Məclis Sədrləri Toplantısında iştirak etmək üçün İndoneziyanın paytaxtı Cakartaya gedib.
İndoneziya Nümayəndələr Palatasının ev sahibliyi ilə paytaxt Cakartada keçiriləcək MİKTA 9-cu Parlament Sədrləri Yığıncağında “Çoxtərəfliliyin gücləndirilməsi, nəsillərarası problemlərin həlli” mövzusu ilə “Qlobal İdarəetmə Diqqətdə: Parlament necə hərəkət etməlidir? “, “Öhdəliklər və Məsuliyyətlərdən kənar” “İqlim tədbirləri” və “Gəncliyin gücündən istifadə: Daha yaxşı gələcək” adlı sessiyalar keçiriləcək.
SİA-nın əldə etdiyi məlumata görə, toplantı çərçivəsində İndoneziya Prezidenti Coko Vidodonun parlament sədrlərinin şərəfinə verəcəyi dəvətə Türkiyə Böyük Millət Məclisinin sədri Kurtulmuş da qatılacaq.
Səfər çərçivəsində Kurtulmuş Yunus Əmrə İnstitutunda ikitərəfli görüşlər keçirəcək və Türkiyedən getmiş magistr tələbələri ilə görüşəcək.
Qeyd edək ki, 2013-cü ildə əsası qoyulmuş və Meksika, İndoneziya, Cənubi Koreya, Türkiyə və Avstraliyanın baş hərfləri ilə adlandırılan qeyri-rəsmi qitələrarası məsləhət və koordinasiya platforması olan MİKTA üzv ölkələrin G20 və digər aparıcı beynəlxalq təşkilatlarla daha sıx əməkdaşlıq və koordinasiyasını təmin etmək məqsədi daşıyır və həmin ölkələr arasında ikitərəfli əlaqələri yaxşılaşdırmağı hədəfləyir.
Öz regionlarında fəal aktor olan beş ölkə regional-qlobal sülh və sabitliyə töhfə verməklə yanaşı, beynəlxalq problemlərə də oxşar yanaşmalardan istifadə edirlər.
Bütün xəbərlər Facebook səhifəmizdə
USD
EUR
GBP
RUB